چىن گاڭ: دالاي نوقۇللا دىنىي زات ئەمەس، بەلكى دىنىي تونغا ئورىنىۋالغان، ئۇزاقتىن بۇيان چەت ئەللەردە ۋەتەننى پارچىلاش، مىللەتلەر ئىتتىپاقلىقىغا بۇزغۇنچىلىق قىلىش ھەرىكىتى بىلەن شۇغۇللىنىۋاتقان سىياسىي سەرگەردان.

     چىن گاڭ مۇنداق دېدى: دالاي بىرىنچىدىن، شىزاڭنىڭ تارىختىن بۇيان جۇڭگو زېمىنىنىڭ بىر قىسمى ئىكەنلىكىنى ئېتىراپ قىلماي، شىزاڭ جۇڭگو تەرىپىدىن بېسىۋېلىنغان دۆلەت، دەپ كەلدى. ئىككىنچىدىن، دالاي ھازىر شىزاڭدا يۈرگۈزۈلىۋاتقان تۈزۈمنى ئېتىراپ قىلماي، بۇ تۈزۈمنى ئەمەلدىن قالدۇرۇپ، باشقىچە تۈزۈم ئورناتماقچى. ئۈچىنچىدىن، كۆلىمى جۇڭگو زېمىنىنىڭ تۆتتىن بىر قىسمىنى ئىگىلەيدىغان، تارىختا ئەزەلدىن مەۋجۇت بولمىغان ‹‹بۈيۈك تىبەت رايونى›› قۇرۇشتا چىڭ تۇرىدۇ. تۆتىنچىدىن، جۇڭگونىڭ ‹‹بۈيۈك تىبەت رايونى››دىن ئەسكەر چېكىندۈرۈشىنى تەلەپ قىلىدۇ. بەشىنچىدىن، زاڭزۇلاردىن باشقا بارلىق كىشىلەرنى ‹‹بۈيۈك تىبەت رايونى››دىن قوغلاپ چىقارماقچى. دالاي گۇرۇھىنىڭ ئاتالمىش ‹‹شىزاڭ سەرگەردان ھۆكۈمىتى›› سەپسەتىسى ‹‹تىبەت سەرگەردان زاڭزۇلار نىزامنامىسى››دە ئوتتۇرىغا قويۇلغان بولۇپ، شىزاڭنى ‹‹فېدېراتسىيە دېموكراتىك ئاپتونوم جۇمھۇرىيىتى›› قىلىپ قۇرۇپ چىقىش تەرغىپ قىلىنغان.

     چىن گاڭ مۇنداق دېدى: دالاينىڭ نەچچە ئون يىلدىن بۇيانقى قىلمىش –ئەتمىشلىرى شۇنى كۆرسىتىپ بەردىكى، ئۇ بۆلگۈنچىلىك تەشەببۇسىدىن ئەزەلدىن ۋاز كەچكەن، بۆلگۈنچىلىك ھەرىكىتىنى ئەزەلدىن توختاتقان ئەمەس. لاسادا يۈز بەرگەن ئۇرۇش، چېقىش، بۇلاش، ئوت قويۇشتەك ئېغىر زوراۋانلىق ۋەقەسىنى دالاي گۇرۇھى ئىنچىكە پىلانلىغان، قۇتراتقان. بۇ دالاي گۇرۇھىنىڭ بۆلگۈنچىلىك ماھىيىتىنى ۋە دالاي گۇرۇھى تەرغىپ قىلىۋاتقان  ئاتالمىش ‹‹تىنچلىق››، ‹‹زوراۋانلىق قىلماسلىق›› دېگەنلىرىنىڭ ساختىپەزلىك ۋە ئالدامچىلىق ئىكەنلىكىنى يەنە بىر قېتىم ئاشكارىلىدى