بىلىۋال 6-نويابىر خەۋىرى. ئادەتتە سول قولنى ئىشلىتىشكە ئادەتلەنگەنلەر ئەقىللىق كېلىدۇ، ئوڭ، سول قولنى ئوخشاش ئىشلىتىشكە ئادەتلەنگەنلەرنىڭ ئوڭ، سول مېڭىسى تېخىمۇ تەرەققىي قىلغان بولىدۇ، دەپ قائىلىدۇ، ئەمما، تەتقىقاتتا بايقىلىشىچە، «ئىككى قولدا تاپانچا ئاتىدىغان ماھىرلارنىڭ» ئەقىل بۆلۈنمىسى، سول ياكى ئوڭ قولىنىلا ئىشلىتىشكە ئادەتلەنگەنلەرنىڭكىدىن تۆۋەن بولىدىكەن.
نېۋ زېلاندىيەنىڭ ئوكلاند ئۇنىۋېرسىتېدىكى پسىخولوگلار 1300 پارچە سوئال قەغىزى تارقىتىپ، سول قولنى، ئوڭ قولنى ھەمدە ئىككى قولىنى ئوخشاش ئىشلىتىشكە ئادەتلەنگەنلەرنى سىنىغان، نەتىجىدە ئۇلارنىڭ ئەقىل بۆلۈنمىسى 85 تىن 135 كىچە بولغان ئارىلىقتا بولۇپ، ئوتتۇرىچە قىممىتى 99.6 چىققان، سول قولنى ئىشلىتىشكە ئادەتلەنگەنلەر بىلەن ئوڭ قولنى ئىشلىتىشكە ئادەتلەنگەنلەرنىڭ ئەقىل بۆلۈنمىسى ئوخشاش چىققان، ئەمما «ئىككى قول ماھىرلىرى»نىڭ ئەقىل بۆلۈنمىسى بىرقەدەر تۆۋەن چىققان، ئۇلارنىڭ ئوڭ، سول قولى ئوخشاشلا چىۋەر بولسىمۇ، ئۇلار ئىجتىمائىي بىلىملەرگە بىرقەدەر ياخشى بولغاندىن باشقا، ماتېماتىكا، تىل، ئەستە تۇتۇش، ھۆكۈم قىلىش ھەمدە بوشلۇق لايىھىسى جەھەتلەردىكى نەتىجىسى بىرقەدەر تۆۋەن ئىكەن.تېببىي ئىلىم ساھەسىدىكى داڭلىق جورنال «جوئۇرنال نەئۇروپسيچولوگىئا»نىڭ تەتقىقاتچىسى مۇنداق دېگەن: ئەقىل سىناشتا ئوڭ، سول ئىككى قولى ئوخشاش چىۋەرلەر سىناق نەتىجىسى، بىر قولىنى كۆپ ئىشلىتىشكە ئادەتلەنگەنلەردىن تۆۋەنرەك چىقتى. ئوڭ قولى ياكى سول قولى چىۋەر بولمىغانلارنىڭ مۇشۇ سەۋەبتىن ئۆزىنى كەمسىتىشىنىڭ ئورنى يوق ئىكەن.