13 – ئۆكتەبىر، ۋەنچۇەنخې دەرياسىنىڭ سۈيى جىددىي ئۆرلىدى . كەلكۈن چيوڭ خەي شەھىرىدىكى دەريا ئۈستىگە سېلىنغان بىر ئاددىي كۆۋرۈكنى يۇتۇپ كەتتى

     12 – ئۆكتەبىردىن باشلاپ خەينەن ئۆلكىسى ئاجىز سوغۇق ھاۋا ئېقىمى ۋە ترۇپىك پىرتۇرباتسىيىسىنىڭ ئورتاق تەسىرىگە ئۇچرىغانلىقتىن ، ئۆلكىنىڭ ھەر قايسى جايلىرىدا ئۇدا ئىككى كۈن قاتتىق يامغۇر يېغىپ ، ئوتتۇرا قىسىم ۋە شەرقىي قىسىمدىكى قىسمەن رايونلارنىڭ يامغۇر مىقدارى 300 مىللىمېتىردىن ئېشىپ كەتكەن. كۈچلۈك شامالنىڭ تەسىرىدە چيوڭ جوۋ دېڭىز بوغۇزىدا بىر قىسىم پاراخوتلار توختىتىلدى ، خەيكۇ مېيلەن خەلقئارا ئايرودرومىدىكى بىر قىسىم نۆۋەتچى ئايروپىلانلارمۇ بۇ خىل ھاۋارايىنىڭ تەسىرىگە ئۇچرىدى.  

     ئىگىلىنىشىچە ، خەينەن ئۆلكىلىك مېتېئورولوگىيە ئىدارىسى 12 – ئۆكتەبىردىن باشلاپ قاتتىق يامغۇردىن ئاگاھلاندۇرۇش سىگنالىنى ئارقا – ئارقىدىن تارقىتىپ ، كىشىلەرنى تەبىئىي ئاپەتلەردىن مۇداپىئە كۆرۈشكە ئەسكەرتكەن، 13 – ئۆكتەبىر سائەت 17 دە ، خەتەرلىك ھاۋارايىدىن ئالدىن مەلۇمات بەرگەن. قاتتىق يامغۇر 14 – ئۆكتەبىر كۈندۈزگىچە داۋاملىشىدىغان بولۇپ ، خەينەن ئۆلكىسىنىڭ ئوتتۇرا قىسمى ۋە شەرقىي قىسمىدىكى قىسمەن رايونلاردا گېئولوگىيىلىك ئاپەتلەرنىڭ يۈز بېرىش مۇمكىنچىلىكى بىر قەدەر چوڭ ئىكەن.